پشین: بلوچستان کے علاقے پشین میں زلزلے کے جھٹکے محسوس کیے گئے جس کے بعد شہریوں میں خوف و ہراس پھیل گیا۔ زلزلہ پیما مرکز کے مطابق زلزلے کی شدت 4.4 ریکارڈ کی گئی ہے۔
زلزلے کا مرکز پشین سے 21 کلومیٹر جنوب مشرق میں 12 کلومیٹر کی گہرائی میں تھا۔ اطلاعات کے مطابق فوری طور پر کسی جانی یا مالی نقصان کی اطلاع نہیں ملی ہے۔ تاہم زلزلے کے باعث پشین کے شہری خوفزدہ ہو کر گھروں سے نکل آئے اور کلمہ طیبہ کا ورد شروع کر دیا۔
Advertisement
واضح رہے کہ گزشتہ روز کراچی کے مختلف علاقوں میں بھی زلزلے کے جھٹکے محسوس کیے گئے تھے۔ زلزلہ پیما مرکز کے مطابق پہلے زلزلے کی شدت 2.5 اور دوسرے کی 2.6 ریکارڈ کی گئی تھی، جن کا مرکز ڈی ایچ اے سٹی کے اطراف 40 کلومیٹر زیرِ زمین تھا۔ یکم جون سے کراچی میں آنے والے زلزلوں کے جھٹکوں کی مجموعی تعداد اب تک 42 ہو چکی ہے۔
Advertisement
