پشاور میں کانگو وائرس پھیلنے لگا، حیات آباد میڈیکل کمپلیکس میں دو مریض داخل۔

اسپتال کے ترجمان کے مطابق، کرک سے تعلق رکھنے والے 28 سالہ اعجاز کو تشویشناک حالت میں 14 جون کو لایا گیا تھا۔ اس کے علاوہ، ایک اور مریض، 23 سالہ صفیان، جو کہ کرک ہی سے تعلق رکھتا ہے، کو 15 جون کو اسپتال میں داخل کیا گیا۔

ابتدائی طبی امداد کے بعد دونوں مریضوں کی حالت خطرے سے باہر بتائی جاتی ہے۔ اسپتال ترجمان کے مطابق، دونوں متاثرہ افراد کا پیشہ جانوروں کی دیکھ بھال کرنا ہے۔